LH 1 eta 2

Esku-hartze goiztiarra

Hauteman zure ikasleek matematikan zer zailtasun dituzten eta lagundu iezaiezu errendimendua hobetzen

Zertan datza esku-hartze programa?

Programa hau matematikan zailtasunak dituzten LH 1 eta 2ko ikasleei zuzenduta dago, eta hiru fase ditu:

Duten adinerako ohi baino emaitza baxuagoak ateratzen dituzten ikasleak identifikatzea.
Esku-hartze pertsonalizatua, ikasle horiei errendimendua hobetzen laguntzeko.
Ikasleen aurrerapenaren banakako ebaluazioa.

Ezagutu programaren atzean dagoen zientzia

Esku-hartzearen faseak

Hasierako hautematea eta amaierako ebaluazioa egiteko, COSMOS proba egiten da. Proba horrek ordubeteko iraupena du, eta matematikan zailtasunak dituzten ikasleak hautemateko diseinatuta dago.

Esku-hartzea praktika gehigarriko saioen bitartez egiten da; hain zuzen, saiook parte-hartzaileen errendimendua hobetzeko berariaz diseinatuta daude. Tresna benetan eraginkorra izan dadin, astean praktikako 4 saio gehigarri egitea gomendatzen dugu.

Hasierako ebaluazioa eta txostena

(urritik abendura)

Esku-hartze indibidualizatua
(urtarriletik maiatzera)

Amaierako ebaluazioa eta txostena
(maiatzetik ekainera)

URRITIK ABENDURA

1. Hasierako ebaluazioa eta txostena

Behaketa-proba unibertsal bat (COSMOS proba) egingo dugu, eta, hari esker, gela osoaren ikuspegi orokorra lortuko dugu, eta, horrela, haien adinerako matematikan ezarritako errendimendu-maila baino txikiagoa duten ikasleak identifikatu ahal izango ditugu. Ikasle horiek matematikako oinarrizko ezagutzak ez barneratzeko arrisku handiagoa dute; ondorioz esku-hartzean parte hartzeko beharra dute.

Prestatu COSMOS proba

Ezinbestekoa da bideoa ikustea proba prestatzeko.

Gorde ordubete eta erreserbatu proiektorea daukan gela bat aurkezpenerako. Proban zehar beste irakasle baten laguntza izan badezakezu, askoz hobeto.

Proba egin ahal izateko, ikasleek Atlas-era sartu beharko dute, eta, “Probak” atalean, sarbide-kodea sartu. Ikasgela-kudeatzailean aurkituko duzu, “Ebaluazioa eta esku-hartzea” – “Probak eta emaitzak” atalean.

Hasierako txostena

COSMOS proba egiteko epea amaitutakoan, zure gelari buruzko txostena jasoko duzu (deskargatu hemen adibide bat).

Hasierako txostenean, honako informazio hau aurkituko duzu:

Ikasleen emaitza kognitiboak, eta baremo unibertsalarekin konparazioak.
Esku-hartzean parte hartzeko ikasleen proposamenak, eta banakako azterketak, adierazle kognitiboen xehetasunekin.
Ikuspegi orokorra, eta zeregin bakoitzean gelak izandako errendimenduarekiko konparazioa.

Txostenei buruzko ohiko galderak

URTARRILETIK MAIATZERA

2. Esku-hartze indibidualizatua

Fase honek 16 asteko iraupena du. Bertan, hautatutako ikasleek saio osagarriak egiten dituzte Atlas-en, matematikako oinarriak hobetzeko. Hemen azalduko dizugu proposatutako ikasleen zerrenda non ikusi eta nola doitu:

Esku-hartze goiztiarra: Ohiko galderak

Zer egiten dute ikasleek esku-hartzean?

Hobekuntza nabarmena izan dadin, ikasleek astero 4 saio osagarri egitea gomendatzen dugu, bakoitza 15 minutukoa.

Hala ere, ikerketen arabera, astean batez beste 2,2 saiotik gora egitea nahikoa da emaitza positiboak lortzeko.

Ez dugu gomendatzen egunean esku-hartzeko bi saio baino gehiago egitea; astean 4 saioko muga dago.

Zer-nolakoak dira saioak eta nola atzitzen dira?

Esku-hartzeko saioek bi jarduera dituzte (zenbakia eraikitzea eta zenbatespena), eta konplexutasuna gero eta handiagoa da.

Jarduerak bi modutara atzi daitezke Atlas-en menutik:

Ikaskuntza-ibilbidea aukeratik; bertan, saio erregular bakoitzaren aurretik esku-hartzeko saio bat osatzeko eskatuko zaie ikasleei.

Esku-artist ataletik, non asteko esku-hartzeko saioak bakarrik ageri baitiren.

Esku-hartzea ikasgelan nola antolatu

Irakasle gisa, nahikoa espazio eta denbora antolatu behar dituzu, saio erregularrez gain asteko 15 minutuko saio osagarriak ere egin ahal izateko. Esku-hartzea antolatzeko zenbait aukera proposatzen dizkizugu:

15 minutuko saioak: Astean zehar tarteren bat edo beste bilatu saioak modu independentean egiteko. Egunen batean denbora gehiago baduzu, bi saio jarraian egin ditzakezu (30 minutu).
Praktikaren jarraipena: Aprobetxatu Atlas-en ohiko praktika digitaleko egunak esku-hartzeko saioa egiteko.
Eredu hibridoa (eskola eta etxea): Ezinezkoa bada asteko saio guztiak ikastetxean egitea, etxean praktikatzeko aukera gaitu dezakezu. Hala ere, gomendatzen dugu gutxienez saioen erdia ikasgelan egitea, jarraipena egokia dela bermatzeko. Informazio gehiago nahi baduzu, kontsultatu hemen.

Jarraipena Ikasgela-kudeatzailetik

Jarraipen-panela Ebaluazioa eta esku-hartzea (esku-hartze goiztiarra) atalean dago. Esku-hartzearen fase osoan ikasleen jarraipena egiteko aukera ematen du, eta funtsezko bi alderdi erakusten ditu:

Arintasunaren bilakaera

3 astean behin, ikasleak arintasun aritmetikoko jarduera bat egiten du (minutu batean zuzen egindako batuketak eta kenketak). Grafikoak bere emaitzak eta errendimendu baxuko eremua adierazten duen erreferentzia-lerro bat erakusten ditu.

Saioen jarraitutasuna

Taulak ikasle bakoitzak astean zenbat saio egiten dituen eta bere batezbestekoa erakusten ditu.

Gomendatzen dugu txostenean egiaztatzea ikasleak batez beste astean gutxienez 2,2 saio egiten dituela, emaitza positiboak ikusteko.

MAIATZETIK EKAINERA

3. Amaierako ebaluazioa eta txostena

Fase honetan, gela osoak berriro egiten du COSMOS proba. Esku-hartzea egin duten ikasleen kasuan, programan parte hartu ondoren haien errendimendua hobetu ote den egiaztatuko dugu. Gainerako ikasleen kasuan, ikasturtean zehar izandako bilakaera ikusi ahal izango dugu.

Probaren emaitzak aztertuko ditugu, eta informazio guztia bi txostenetan bidaliko dizugu, zure ikasleen bilakaeraren xehetasun guztiak izan ditzazun.

Hautatu zure eskualdea

Selecciona tu estado e idioma