Indica en qué estado te encuentras para ver el contenido específico
España
Italia 
United States 
Brasil 
Chile
Ecuador
Mexico
Colombia
Perú
United States
Andreu Dottik (CEO) eta Isaac Sayolek (CPO) UPCn (Universitat Politècnica de Catalunya) ezagutu zuten elkar ingeniaritza ikasten ari zirela, eta akademia bat ireki zuten matematikan zailtasunak zituzten lehen mailetako ikasleei laguntzeko. Horretan ari zirela, argi ikusi zuten gabezia horiek ez zirela talentu faltaren ondorio, benetako ulermen faltaren ondorio baizik. Matematikaren ikaskuntza hezkuntza-etapa guztietan hobetzeko asmoz, Àlex Espinetekin (CTO) bat egin zuten Innovamat sortzeko, Bartzelonan (Europa).
Proiektuak zentzua eta zorroztasuna izan zitzan, adituen artean adituenak behar zituzten taldean. Horregatik, UABra (Universitat Autònoma de Barcelona) jo zuten, Cecília Calvo eta Laura Morera doktore eta matematikaren didaktikan erreferenteen ate joka. Doktore eta irakasle aktibo gisa, funtsezko osagaia gehitu zuten haiek: ikerketa zientifikoaren zorroztasuna eta ikasgelako esperientzia.
Hasieran 13 ikastetxetan abian jarritako proposamena hazten joan zen. Irakasleen, ikasleen eta familien beharrei erantzunez, Haur Hezkuntzatik Bigarren Hezkuntzara arteko ibilbide matematikoa osatu zuten.
Gaur egun, hezkuntza-komunitate osoa lotzen duen ekosistema integrala dugu. Irakasleentzako laguntza, formakuntza eta gida didaktikoak eskaintzen ditugu, baita ebaluazio-tresnak, ikaskuntza-zailtasunak detektatu eta arreta eskaintzeko programa espezializatuak eta familientzako laguntza-materialak ere.
2022an, Innovamaten ikerketa-saila sortu genuen: didaktikan, kognizioan, neurozientzian eta hezkuntzan adituak diren pertsonen taldea. Ebidentzia zientifikoaren eta ikasgeletako benetako beharren arteko zubi-lana egiten dute: haurrek matematika nola ikasten duten ikertzen dute, gure proposamenaren eragina neurtzen, eta ezagutza hori hezkuntza-komunitate osoarekin partekatzen.
Matematikaren didaktikako ikerketan gidari izan nahi dugu, gure produktu eta zerbitzuak argiak eta konfiantzazkoak izan daitezen, eta egiten dugun urrats bakoitza ebidentzia zientifikoak babesten duela bermatzeko.
Soilik matematikarekin aritzen garen enpresa izaten jarraitzen dugu, matematikazale sutsuak baikara. Bartzelonan unibertsitate-ikasleentzako matematika-akademia gisa hasi zena gaur egun 9 herrialdetako ikastetxeei laguntzen dien proiektu globala da. Helburua berbera da: mundu osoko milaka ikasleren «ni matematikoa» esnatzen jarraitzea.
