Pribatutasun-zentroa
Zure datuak baloratzen eta babesten ditugu

Zure pribatutasuna gure lehentasuna da

Innovamatek bere hezkuntza-komunitatearen datuak babesten ditu. Horretarako, segurtasun-neurri aurreratuak hartzen ditugu, eta datuen erabileran gardentasun osoa izateko konpromisoa hartzen dugu, haien kontrola eta zaintza ziurtatuz.

DBEO betetzen dugu, errespetu osoz tratatzen ditugu datu pertsonalak, eta informazioaren gaineko erabateko kontrola eskaintzen diegu gure erabiltzaileei.

Pribatutasun-politika

Ohiko galderak

Zalantzarik baduzu, jarraitu irakurtzen.
Zein datu pertsonal biltzen ditu Innovamatek?

Innovamaten aplikazioak bere proposamen didaktikoa eskuratzeko zerbitzua emateko eta bere hezkuntza-funtzioa behar bezala betetzeko ezinbestekoak eta beharrezkoak diren datu pertsonalak baino ez ditu biltzen. Zehatz-mehatz:

  • Ikasleen kasuan: izen-abizenak, maila eta gela, ikastetxea, adina, generoa, helbide elektronikoa eta emaitza akademikoak eta matematika-test estandarizatuetakoak (adibidez, Cangur testak, TIMSS testak, etab.).
  • Irakasleen kasuan: izen-abizenak, generoa eta helbide elektronikoa.
  • Gurasoen edo legezko tutoreen kasuan: izen-abizenak, helbide elektronikoa (erabiltzaileak etxetik praktikatzen badu soilik).

Datu horiek guztiak Innovamatek hosting zerbitzu gisa erabiltzen dituen eta Europako Esparru Ekonomikoan (EEE) kokatuta dauden Amazon Web Services (AWS) zerbitzarietan gordetzen dira.

Zergatik biltzen eta erabiltzen ditu Innovamatek datu pertsonal horiek?

Innovamaten proposamen didaktikoak hainbat baliabide eskaintzen ditu, zeinek curriculumeko matematikaren irakaskuntza osoa, egokia eta konpetentziala ahalbidetzen baitute.

Proposamen didaktikoa osatzen duten baliabideen artean, aplikazio bat dago; aplikazioak matematikako jarduerak egiteko aukera ematen dio erabiltzaileari, eta automatikoki egokitzen da haren ikaskuntza-mailara.

Datu pertsonalak erabilita, aplikazioak automatikoki egokitzen du jardueren zailtasuna erabiltzailearen mailara, esperientzia pertsonalagoa, bakarragoa eta haren beharretara egokituagoa izan dadin.

Gainera, datu horiek erabiltzeak aukera ematen du gure proposamen didaktikoa berrikusteko eta hobetzeko beharrezkoa den ikerketa egiteko eta irakasleek ikaslearen ikaskuntza-prozesuaren jarraipen hobea egiteko, horrela eskola-errendimendua hobetzen eta irakaskuntza pertsonalizatzen lagunduz.

Innovamatek ez ditu datu pertsonalak publizitate-helburuetarako erabiltzen, eta ez ditu erabiltzaileen profilak egiten.

Nola babesten ditu Innovamatek nire datu pertsonalak?

Innovamatek konpromiso handia du datu pertsonalen segurtasunarekin. Hori dela eta, tratamenduaren eragile gisa, Innovamatek arreta handienaz jarduten du une oro biltegiratutako datuei dagokienez, eta segurtasun teknikoko eta antolaketako neurri guztiak ditu tratatutako datuen segurtasuna bermatzeko.

Nola partekatzen edo transferitzen ditu Innovamatek nire datu pertsonalak?

Innovamatek ez ditu datu pertsonalak inorekin transferitzen edo partekatzen erabiltzailearen aldez aurreko baimenik gabe.

Nork du datu pertsonaletarako sarbidea eta nola bermatzen da haien konfidentzialtasuna?

Innovamaten datu pertsonaletara sartzen diren pertsona bakarrak Innovamateko langileak eta erabiltzaileak aldez aurretik baimendu dituen langileak dira.

Ildo horretan, Innovamateko langile guztiek konfidentzialtasun-hitzarmenak sinatu dituzte, datuen babesaren arloko prestakuntza jaso dute, eta eskura dituzten datu pertsonalen segurtasunarekin, osotasunarekin eta konfidentzialtasunarekin konprometituta daude.

Zer gertatzen da datu pertsonalekin Innovamateko hezkuntza-komunitatearen parte izateari uzten badiot?

Innovamatek datuen babesaren arloko legeria betetzeko konpromisoa du.

Horregatik, Innovamaten esku dauden datuak behar-beharrezkoa den denboran bakarrik gordeko dira (hau da, Innovamaten proposamen didaktikoa eskuratzeko zerbitzua ematen den bitartean). Behin harremana amaituta, Innovamatek ezabatu egingo ditu.

Hala ere, datu pertsonal, identifikagarri eta trafikoko datu jakin batzuk gordeko ditugu gehienez ere 2 urteko epean, epaile eta auzitegiek hala eskatzen badute edo aplikazioa behar ez bezala erabiltzearen ondoriozko barne-ekintzak hasteko.

Nola jakinarazten zaizkio hezkuntza-komunitateari datu-politiketako aldaketak?

Ikastetxeek tratamenduaren eragile izateko kontratu bat izenpetzen dute urtero Innovamatekin. Kontratu horretan, aplikazioaren pribatutasun-politikaren puntu garrantzitsuenak garatzen dira: datu-kategoriak, helburuak, eta datuak kontserbatzeko eta biltegiratzeko epeak.

Berrikuntza bakoitza dela-eta, Innovamatek egokitzat jotzen dituen aldaketak egin ahal izango ditu kontratu horretan; ikastetxeak beti onartu beharko ditu (datuen arduradun gisa), eta Innovamaten webgunean argitaratuko dira, edozein pertsonak behin betiko testua eskuratu ahal izan dezan.

Nola eman dezaket nire datuen segurtasunarekin zerikusia duen kezka edo gorabehera baten berri? Nola erabil ditzaket nire ARCO-POL eskubideak?

Datuen tratamenduari buruzko edozein zalantza argitzeko edo gorabeheraren baten berri emateko, Innovamatekin harremanetan jar daitezke erabiltzaileak, rgpd@innovamat.es helbidera mezu bat bidalita edo, hala badagokio, helbide honetara idatzita: Avda. de la Generalitat, 216, 4º, 3ª, Sant Cugat del Vallès (08174) – Barcelona, España.

Era berean, harremanetarako metodo horiek erabili ahal izango dituzte ARCO-POL eskubideez baliatzeko, datuen titular gisa.

Jarri gurekin harremanetan

Galdera gehiago dituzu? Zuri laguntzeko gaude hemen.
Innovamat