España 
Italia 
United States 
Brasil 
Chile
Ecuador
Mexico
Colombia
Perú
Oinarrizko gaitasun-probak edo LOMLOEren ebaluazio diagnostikoa. Zer dira?
LOMLOEk araututako informazio-, prestakuntza- eta orientazio-ebaluazioak dira, eta Espainiako hezkuntza-sisteman matrikulatutako ikasle guztiek parte hartzen dute. Hizkuntza- eta matematika-gaitasunen maila ebaluatzeko balio dute, eta tresna bat dira ikastetxeek hobekuntza-planak diseinatu ahal izan ditzaten, ikasleek ezarritako gaitasunak lortzeko.
Duela hilabete batzuk, Ana Moscardók, Jacint Verdaguer eskolako zuzendariak, audio bat bidali zigun albiste pozgarri hau emateko: «Ikastetxeko matematikako oinarrizko gaitasunen emaitzak Kataluniako batez bestekoaren oso gainetik atera dira». Hori jakinda, Anari bere zentroa bisitatzera joango ginela proposatu genion, emaitzei buruz pixka bat gehiago kontatzeko, eta, bere ustez, Innovamatek arlo horretan nola lagundu zuen azaltzeko.
Jacint Verdaguer eta oinarrizko gaitasun-proben emaitzak
Anak bertatik bertara ikusi du Innovamatek ikasleen oinarrizko gaitasun-proben emaitzetan duen eragina. «Proba egin genuenean, joan den ikasturtean, harritu egin gintuen jarduera tipologia ikasturte osoan zehar Innovamatekin landu genuenaren oso antzekoa izateak». Horrek erakusten du ikasleak oinarrizko gaitasun-probetarako prestatzea bat zetorrela menderatu beharko lituzketen eduki eta gaitasunekin.
Gainera, esan digunez, «ikasleek emaitza onak lortu zituzten oinarrizko gaitasun-probetan. Are gehiago, Katalunian gure konplexutasun bera duten ikastetxeen batez bestekoaren gainetik gaude». Proba garrantzitsua da Lehen Hezkuntzako etapako gako puntuetako bat delako, eta, Anaren arabera, emaitzak hainbat faktoreren araberakoak izan daitezke.
- Innovamaten manipulazioan oinarritutako proposamenak «matematika ulertzen eta problemak era askotan ebazten lagundu die ikasleei. Gure ikasleak oso ohituta daude edozein problema ebazten, nahiz bereziki ikasgelan landu den, nahiz ez».
- Jacint Verdaguer ikastetxeko irakasleek konpromisoa hartu dute proposamenarekin, eta «beste era batera lan egiteko» beharra ikusi dute.
Jacint Verdaguerren historia Innovamatekin
Jacint Verdaguer eskola Prat de Llobregaten dago. Haien arabera, «ikasleak heldu kritiko, trebe eta arduratsu bihurtuko dituzten ikaskuntza, balio eta jarrera guztiak indartzen dituen eskola» dira. Anarekin lehen aldiz elkartu ginenean, 2019an, primeran ulertu genuen elkar, eta agian hezkuntzari buruz ikuspegi bera genuelako izan zen.
Jacint Verdaguer eskolak Innovamat egiten duen hirugarren ikasturtea da hau, eta dagoeneko Haur Hezkuntzako 3. mailatik Lehen Hezkuntzako 6. mailara arte erabiltzen dute. Ikasleek matematikarekiko duten motibazio-aldaketa oso garrantzitsua izan da urtez urte Innovamaten aldeko apustua egiten jarraitzeko. Anaren arabera, «harritu gintuen gaietako bat da: matematika ikasleen irakasgai gogokoenetako bat bihurtzen ari zela ikusi genuen. Proposamena manipulazioan oinarrituta egotea, eta matematika beste modu batera ulertzen hasten direla ikustea… oso motibagarria izan zen haientzat».
Hala ere, hasieran, irakasle batzuk kezkatuta zeuden, eta zalantzak zituzten. Egokitzeko eta formakuntzako prozesu baten ondoren, proposamenarekin ohitu ziren, plataforman eskuragarri dauden irakasleentzako prestakuntza-baliabideen bidez. «Ikasturteek aurrera egin ahala, gero eta hobeto lantzen dugu proposamena». Proposamenaren sekuentziazio helikoidalak ere konfiantza eman zigun,«eduki batzuk errepikatu egiten direnez, batzuetan utzi egin behar dituzu, eta gero aurrerago berriz heldu gaiari». Hasierako zalantza horiek berehala desagertu ziren «ikasleek ezagutza matematikoak nola sendotzen zituzten ikusi zutenean».
Hau ez da hemen bukatzen…
Innovamaten ikerketa-talde bat daukagu, eskolekin batera lan egiten duena: batetik, matematikaren didaktikan laguntzeko ikerketak egiten ditugu, eta, bestetik, Innovamaten proposamenak zer-nolako eragina duen neurtzen dugu.
Gaitasunetan oinarritutako ebaluazioarekin lotuta dauden ikerketa batzuk egiten ari gara une honetan: EQUAL (Estudio de Cuadernos de Evaluación Longitudinal) ikerketak oinarrizko konpetentzien ebaluazioaren eta Kanguru proben emaitzak aztertzea du helburu, eragin-aldagaiak zehazte aldera; CB4 (Competencias Básicas de 4º) ikerketa, LHko 4. mailan matematikaren ikaskuntzan eragina duten faktoreak aztertzea helburu duena; eta SMALL (Study of Mathematical Long-term Learning) ikerketa, CB4 ikerketa maila eta etapa gehiagotara zabaltzeko.
Innovamaten egiten ditugun ikerketen inguruan gehiago jakin nahi baduzu, artikulu hau irakur dezakezu.
